કાર્યવાહી:અડાસરમાં વિદેશી દારૂની તપાસમાં ગયેલી પોલીસને દેશી દારૂ હાથ લાગ્યો

નડિયાદએક વર્ષ પહેલા
  • કૉપી લિંક
  • પોલીસને હાથ ઘસતાં રાખી ચારેય પોબારા ભણી ગયા

ખેડાના અડાસર ગામની સીમમાંથી ખેડા ટાઉન પોલીસને દેશી દારૂનો જથ્થો હાથ લાગ્યો હતો. જ્યારે દેશી દારૂનો વેપલો કરતાં ચાર બુટલેગર પોલીસને થાપ આપી પલાયન થઇ ગયા હતા. પોલીસે ચારેય વિરૂધ્ધ ગુનો નોંધી વધુ તપાસ હાથ ધરી છે. પોલીસ સૂત્રોના જણાવ્યા મુજબ ખેડાના કઠવાડા ગામે રહેતાં અર્જૂન પ્રભાતભાઇ ચુનારા તથા સુનીલ પ્રભાતભાઇ ચુનારા અડાસર ગામની સીમમાં જાહેરમાં દેશી દારૂ કેરબામાં ભરીને વેચતાં હોવાની હકીકતના આધારે ખેડા ટાઉન પોલીસે છાપો મારતાં દેશી દારૂ ભરેલાં બે કેરબા (70 લિટર રૂ.1400)ને સ્થળ પર મુકી નાસી છૂટ્યાં હતા. પોલીસે દેશી દારૂ ભરેલાં કેરબા કબજે લઇ ફરાર બન્ને શખસ વિરૂધ્ધ ગુનો દર્જ કર્યો હતો.

તેવી જ રીતે, અડાસર ગામનો સંજય વિઠ્ઠલભાઇ દેવીપૂજક તથા કરણ અરવિંદભાઇ ચુનારા (રહે.કઠવાડા) દેશી દારૂનો માલ વેચતાં હોવાની બાતમીના આધારે ખેડા ટાઉન પોલીસે રેઇડ પાડતાં બન્ને શખસ ફરાર થઇ ગયા હતા. પોલીસે સ્થળ પરથી 360 રૂપરડીનો 18 લિટર દેશી દારૂનો જથ્થો કબજે લઇ બન્ને શખસ વિરૂધ્ધ ગુનો દાખલ કર્યો હતો.

અન્ય સમાચારો પણ છે...