રોષ:વિરપુર તાલુકાની બંધ કરેલ ST બસો શરૂ ન કરતાં રોષ

કોરોના માહામારી આવ્યા બાદ સમગ્ર રાજ્યમાં એસટી બસ સેવા બંધ કરી દેવામાં આવી હતી. બાદમાં કોરોના કેસોમાં આંશીક સુધારો આવતાં અનલોક કરતા તાલુકા મથકને લઈને જીલ્લા મથક સુધીની મોટા ભાગની બસ સેવાઓ શરૂ કરી દેવામાં આવી છે. જોકે, વીરપુરના ગ્રામ્ય વિસ્તારમાં હજુ સુધી બસ સેવા શરૂ થઇ નથી.

જેના કારણે ગ્રામ્ય વિસ્તારોના લોકોને અવરજવર કરવા માટે ભારે હાલાકી ભોગવવી પડી રહી છે. હજારો વિદ્યાર્થીઓ અને મુસાફરો તાલુકા અને જીલ્લા મથકે આ બસના શરણે હતા. શાળા અને મહાશાળાઓમાં પરીક્ષા નજીક આવે છે. શ્રમિકો અને મધ્યમ વર્ગના માનવી કે જેની પાસે કોઈ પ્રકારનું વાહન નથી. સ્થાનિક લોકોની રજુઆતને ધ્યાને રાખીને આવનાર સમયમાં ગ્રામ્ય વિસ્તારોમાં બસ સેવા ચાલુ કરવામાં આવે તેવી ઉગ્ર માંગ ઉઠી છે.