કોરોના અપડેટ:ખેડા જિલ્લામાં કોરોનાના 4 દર્દી સાથે આંક 3207

ખેડા જિલ્લામાં છેલ્લા 48 કલાકમાં કોરોનાનો કાંટો 4 પર અટક્યો છે. ગુરૂવાર બાદ શુક્રવારે પણ જિલ્લામાં કોરોનાના 4 દર્દીઓ નોંધાયા હતા. હાલમાં જિલ્લાનો કુલ આંક 3207 પર પહોંચી ગયો છે. હાલમાં જિલ્લામાં 17 દર્દીઓ સારવાર હેઠળ છે. શુક્રવારે નડિયાદ શહેરના કિશન સમોસાના ખાંચામાં આવેલા નિમીષા ટેનામેન્ટમાં રહેતા 43 વર્ષના મહિલા, શીતલ સિનેમા રોડ પર આવેલી વિમલ પાર્ક સોસાયટીમાં રહેતા 49 વર્ષના આધેડ, ડુમરાલ ગામે સ્વામિનારાયણ ફળિયામાં રહેતા 70 વર્ષના વૃધ્ધા અને ઠાસરાના રખિયાલમાં રહેતા 84 વર્ષના વૃધ્ધા કોરોનાની ઝપેટમાં આવતાં તમામની સારવાર શરૂ કરવામાં આવી છે.

આ ઉપરાંત હાલમાં જિલ્લામાં કુલ 17 દર્દી સારવાર હેઠળ છે. જેમાંથી 12 દર્દી હોમઆઇસોલેશનમાં છે. જ્યારે એક દર્દી બાયપેપ પર અને એક દર્દી ઓક્સિજન સપોર્ટ પર છે. શુક્રવારે વધુ 122 સેમ્પલ લઇને પરીક્ષણ અર્થે મોકલી આપવામાં આવ્યા હતા.