તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

સ્થાનિકોનો વિરોધ:ખેડાના મંગલ પાર્કમાં લઘુમતિનો પગપેસારો, હિન્દુ બહુમતિ વાળા વિસ્તારમાં લઘુમતિઓને મિલ્કત વેચાણ અટકાવો, અશાંત ધારો લાગુ કરો

નડિયાદ20 દિવસ પહેલા
  • કૉપી લિંક

ખેડાની મંગલ પાર્ક સોસાયટીના જમીન માલિક દ્વારા લઘુમતિ વ્યક્તિને દસ્તાવેજથી પ્લોટ વેચાણ અપાતા વિવાદ ઉભો થયો છે. હિન્દુ બહુમતી વાળી જગ્યા પર લઘુમતિ વ્યક્તિને મિલકતનું વેચાણ થતા આ વિસ્તારોમાં અશાંત ધારો લાગુ કરવાની માંગ સાથે સ્થાનિકોએ પ્રાંત અધિકારીને આવેદનપત્ર આપ્યું છે. મોટી સંખ્યામાં પ્રાંત કચેરી ખાતે પહોંચેલા સોસાયટીના રહીશોએ આવેદનપત્ર મારફતે રજૂઆત કરી હતી કે છેલ્લા કેટલાક સમયથી ખેડા શહેર વિસ્તાર સંવેદનશીલ બન્યું છે. અવારનવાર અહી લવજેહાદ જેવી ઘટનાઓ બની રહી છે. આ બાબત સરકારના રેકોર્ડ ઉપર પણ છે.

તેમ છતાં મંગલ પાર્ક સોસાયટીના જમીન માલિક દ્વારા પોતાની નૈતિકતાને અવગણી લઘુમતિ વ્યક્તિ ને પ્લોટનું વેચાણ કરેલ છે. આવેદનપત્રમાં ટાંકવામાં આવ્યું છે કે એક પ્રકારે કાવતરા પૂર્વક ષડયંત્રના ભાગરૂપે અન્ય ધર્મની બહેન, દીકરીઓ, પુત્રવધૂઓ ને ફસાવી, ફોસલાવી, લવજેહાદનો ભોગ બનાવાઇ રહી છે.

આ વિસ્તારમાં રહેતા પૂરૂષો દિવસ દરમિયાન નોકરી, મજુરી, ધંધા પર જતા હોય ઘરમાં સ્ત્રીઓ એકલી રહેતી હોય લવજેહાદ જેવી ઘટનાઓ પણ બની શકે છે તેવી સંભાવના દર્શાવવામાં આવી છે. સમગ્ર બાબતને ગંભીરતાથી લઇ આ વિસ્તારમાં જેટલા પણ પ્લોટ લઘુમતિ વ્યક્તિઓને આપવામાં આવેલ હોય તે તમામ પ્લોટના દસ્તાવેજ રદ્દ કરવા માંગ કરી છે.

હિન્દુઓને સામુહિક હિજરત કરવી પડશે
આવેદનપત્રમાં સ્થાનિકોએ ગંભીરતા પૂર્વક જણાવ્યું છે કે જો આ વિસ્તારમાં લઘુમતિ લોકો વસવાટ શરૂ કરેશે તો અમો મંગળ પાર્કના રહીશોના બાળ-બચ્ચા સાથે પરિવાર સાથે અહીથી હિજરત કરવાનો અથવા સામુહિક આત્મહત્યા કરવા સિવાય કોઈ જ આશરો નથી. માટે આ ઘટનાને સહજ ન લેતા સ્તવરે લઘુમતિોના પક્ષમાં થયેલ દસ્તાવેજ રદ કરવાની કાર્યવાહી કરવા રહીશોએ માંગણી કરી છે.

અન્ય સમાચારો પણ છે...