ભૂમાફિયાઓનો ત્રાસ:માતરના સંધાણા ગામે ટી. બી. હોસ્પિટલની કેટલીક જમીન પર 10 ઇસમોએ કબજો કર્યો

નડિયાદ સહિત સમગ્ર જિલ્લામાં દિનપ્રતિદિન જમીન પચાવી પાડવાના કિસ્સાઓ વધી રહ્યા છે. ત્યારે આજે વધુ એક આ સંદર્ભનો કેસ પોલીસની ડાયરીમાં નોંધાયો છે. જેમાં 10 વ્યક્તિઓ સામે ફરિયાદ દાખલ કરવામાં આવી છે. માતર પોલીસે આ અંગેનો ગુનો નોંધી આગળની કાર્યવાહી હાથ ધરી દીધી છે.

પોલીસે ગુનો નોંધી તપાસ આદરી
માતરના સંધાણા ગામની સીમમાં છઠ્ઠા માઈલ વિસ્તારમાં ટી. બી. હોસ્પિટલ આવેલી છે. જેનું સંચાલન નડિયાદ સ્થિત મહાગુજરાત મેડિકલ સોસાયટી કરી રહી છે. આ સંસ્થાની બ્લોક નંબર 416/1 થી 428/4 વાળી જમીનના કેટલાક ભાગ ઉપર 10 ઈસમોએ કબ્જો કરી લીધો હતો. કબ્જો જમાવનાર ઈસમોએ આ બાબતે વર્ષ 2013માં ખોટો દાવો પણ કોર્ટમાં દાખલ કર્યો હતો. જેના પગલે આ તમામ લોકોની સામે પોલીસે કાર્યવાહી હાથ ધરતા જમીન પચાવી પાડવાના હેતુથી કબજો મેળવવાના ગુનામાં ફરિયાદ નોંધવામાં આવી હતી.

પોલીસ સંસ્થાના ચેરમેને આ ફરિયાદના આધારે ઈરફાનમીંયા મલેક, મુસ્તુફામીંયા મલેક, સમસુમીંયા મલેક, સલીમમીંયા મલેક, અયુબમીંયા મલેક, સાબેરાબીબી મલેક, ફકરૂમીંયા મલેક, અલ્લાઉદ્દીન મલેક, મહેબુબમીંયા મલેક અને સમસુમીંયા મલેક (તમામ રહે. દંતાલી, તા. વસો) સામે ગુનો નોંધી આગળની કાર્યવાહી હાથ ધરી દીધી છે.