કાર્યવાહી:વિરપુરમાં માસ્ક પહેર્યા વિના આંટા મારતાં લોકો ઝડપાયા

અત્યાર સુધીમાં વિરપુર તાલુકાના આશરે 155 જેટલા પોઝિટિવ કેસ નોંધાયા છે. કોરોના કેસોમાં ઉછાળો આવતાં સ્થાનિક ગ્રામ પંચાયત, તલાટી કમ મંત્રી, મામલતદાર, ટીડીઓ, વિરપુર પીએસઆઇ સહિતના અધિકારીઓએ સાવચેતીના ભાગરૂપે શહેરના માર્ગો પર ચેકિંગની કામગીરી હાથ ધરી હતી. જેમાં ચહેરા પર માસ્ક પહેર્યા વગર ફરતા અને સોશ્યલ ડિસ્ટન્સ ન રાખનાર સામે દંડની કાર્યવાહી હાથ ધરી રૂ. 5,100ના દંડની વસુલાત કરાઇ હતી.