તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

હંગામી ઉચાપત:ઠાસરાના રતનજીના મુવાડામાં દૂધ મંડળીના માજી સેક્રેટરીએ રૂ. 3.62 લાખની ઉચાપત આચરતાં ચકચાર

નડિયાદ2 મહિનો પહેલા
  • કૉપી લિંક
  • દૂધ મંડળીના ચેરમેને ઉચાપત આચરનાર માજી સેક્રેટરી વિરુદ્ધ ડાકોર પોલીસમાં ફરિયાદ નોંધાવી

સરકારી તંત્રથી લઈને સહકારી મંડળીઓમાં લોલમલોલ પ્રવૃત્તિઓ ચાલી રહી છે. ખેડા જિલ્લામાં છેલ્લા એક માસમાં ઉચાપતના ત્રણ જેટલા બનાવો સામે આવ્યા છે. આ ત્રણેય બનાવો સહકારી માળાખાઓમાં એટલે કે દૂધ મંડળીઓમાં થયા છે. આજે ઠાસરાના રતનજીના મુવાડામાં દૂધ મંડળીના માજી સેક્રેટરીએ લાખોની ઉચાપત આચરવાનો કૌભાંડ બહાર આવતાં ડાકોર પોલીસમાં આ અંગેની ફરિયાદ નોંધાઈ જવા પામી છે.

ઠાસરા તાલુકાના રતનજીના મુવાડા તાબે મીઠાપુરામાં રહેતા રમણ મંગળભાઈ પરમાર વર્ષ 2016થી 2019 દરમિયાન ગામની દૂધ ઉત્પાદક સહકારી મંડળીમાં સેક્રેટરી પદે હતા. આ સમયગાળામાં તેમણે દૂધ મંડળીની આવકના રોજ મેળામાં ગોલમાલ આચરી હતી. રમણ પરમારે સિલકના કુલ રૂપિયા 3 લાખ 62 હજાર 772ની હંગામી ઉચાપત આચરી આ રકમ પોતાના અંગત કામે વાપરી દીધી હતી.

જે બાદ ઉચ્ચ અધિકારીઓ દ્વારા ઓડીટ કરવામાં આવતાં આ કૌભાંડનો પર્દાફાશ થયો હતો. તાજેતરમાં રજીસ્ટ્રાર દ્વારા હુકમ કરવામાં આવતાં દૂધ મંડળીના ચેરમેન નરવતસિંહ પરમારે આ ઉચાપત આચરનાર માજી સેક્રેટરી રમણ પરમાર વિરુદ્ધ ડાકોર પોલીસમાં ફરિયાદ નોંધાવી છે. પોલીસે આઈપીસી 408 મુજબ ગુનો દાખલ કરી આગળની કાર્યવાહી હાથ ધરી દીધી છે.

અન્ય સમાચારો પણ છે...