કોરોના અપડેટ:ખેડા જિલ્લામાં કોરોના પોઝિટીવના 4 કેસ નોંધાયા, જિલ્લાનો કુલ આંક 3224 પર પહોંચ્યો

ખેડા જિલ્લામાં કોરોનાના 4 દર્દીઓ સાથે કુલ આંક 3224 પર પહોંચ્યો છે. જિલ્લામાં એક્ટિવ દર્દીઓનો આંક 8 થી વધીને 12 પર પહોંચ્યો છે. શુક્રવારે નડિયાદ શહેરના મિશન રોડ ઉપર આવેલા ન્યૂ સ્ટ્રીટમાં રહેતા 57 વર્ષના મહિલા, પૂજન પાર્ક સોસાયટીમાં રહેતા 57 વર્ષના મહિલા તથા ચકલાસીના સરદાર ચોકમાં રહેતા 56 વર્ષના આધેડ અને 48 વર્ષના મહિલાનો કોરોના રિપોર્ટ પોઝિટીવ આવતાં તમામની સારવાર શરૂ કરવામાં આવી છે. હાલમાં જિલ્લામાં 12 દર્દીઓ સારવાર હેઠળ છે. જેમાંથી 6 દર્દીઓ હોમઆઇસોલેશનમાં છે. હોસ્પિટલમાં સારવાર લઇ રહેલા બે દર્દીઓ બાયપેપ પર છે. શુક્રવારે વધુ 124 સેમ્પલ પરીક્ષણ અર્થે મોકલી આપવામાં આવ્યા હતા.