ઝગડો:ખેડામાં એક્વટિવા ચાલકે રસ્તાની સાઇડમાં ચાલવાનું કહેતાં બે જૂથ વચ્ચે ઝગડો

ખેડા શહેરમાં વાહન અડી જવા જેવી નજીવી બાબતે ઝઘડો થયો છે. રસ્તા પરથી પસાર થતાં રાહદારી અને વાહન ચાલક વચ્ચે રસ્તા પર સાઇડમાં ચાલવા કહેતાં તકરાર થઇ અને મામલો પોલીસ મથકે પહોંચ્યો છે. પોલીસે આ બનાવ સંદર્ભે સામસામે ફરિયાદ નોંધી વધુ તપાસ હાથ ધરી છે.

ખેડા શહેરના મોચીવાડ વિસ્તારમાં રહેતા હેતલબેન ચૌહાણનો દિકરો શિવમ એક્ટીવા લઈને ગત મોડી રાત્રે નગરના લાલદરવાજા પાસેથી પસાર થઈ રહ્યો હતો. આ સમયે ચાલીને જઈ રહેલા ઝાકીરહુસેન નસરૂદિન કાજી, સમીર રહીમભાઈ શેખ અને અરબાઝભાઈ ઐયુબભાઈ સૈયદને વાહન અડી જતાં ઝઘડો થયો હતો.

વાહન લઈને પસાર થઈ રહેલા એક્ટીવા ચાલકે ઉપરોક્ત ત્રણેય લોકોને સાઈડમાં ચાલવાનું કહેતા ઝઘડાએ ઉગ્ર સ્વરૂપ ધારણ કર્યું હતું. જે બાદ પુરેપુરો મામલો ખેડા પોલીસ મથકે પહોંચ્યો હતો. જ્યાં પોલીસે સામસામી ફરિયાદ નોંધી કાર્યવાહી હાથ ધરી છે.