રિહર્સલ:નડિયાદમાં યોજાનાર જિલ્લા કક્ષાના સ્વાતંત્ર્ય પર્વની ઉજવણીના કાર્યક્રમ માટેની તૈયારીઓને આખરી ઓપ અપાયો

ખેડા જિલ્‍લામાં જિલ્‍લા કક્ષાનો 75મા સ્‍વાતંત્ર્ય દિનની ઉજવણી રાજય કક્ષાના ગ્રામ ગૃહ નિર્માણ, ગ્રામ વિકાસ અને પશુપાલન અને ગૌસંવર્ધન મંત્રી બચુભાઇ ખાબડની ઉપસ્‍થિતિમાં નડિયાદ એસ.આર.પી કેમ્પ ખાતે સવારે 9:00 કલાકે યોજાનાર છે. રાજય કક્ષાના મંત્રી ધ્વજવંદન, પરેડ નિરીક્ષણ સહિત વૃક્ષારોપણ કરી આ પર્વની ઉજવણી કરાશે. આ કાર્યક્રમમાં જિલ્‍લા કલેકટર કે.એલ.બચાણી સહિત જિલ્‍લાના ઉચ્‍ચ અધિકારીઓ હાજર રહેશે.

સાથે સાથે કોરોના વોરિયર્સનું અભિવાદન પણ કરવામાં આવશે. શુક્રવારે નડિયાદ એસ.આર.પી કેમ્પ ખાતે જિલ્‍લા કલેકટરની અધ્યક્ષસ્‍થાને રીહર્સલ યોજાયું હતું. તેમણે આ પ્રસંગે જરૂરી માર્ગદર્શન આપ્યું હતું. જેમાં જિલ્‍લાના ઉચ્ચ અધિકારીઓ સહિત પોલીસ જવાનો હાજર રહ્યા હતા.