કાર્યવાહી:નડિયાદમાં બે બેકરી પર ફુડખાતાની તવાઇ

નડિયાદની ફુડ એન્ડ ડ્રગ્સ કચેરીના અધિકારીઓએ ખાદ્યતેલ, ઘી, બેકરી આઇટમ ચેક કરી તેના નમૂના લીધાં હતા. જેમાં નડિયાદની બે બેકરીની નાનખટાઇ આઇટમના પેકિંગ પર તારીખ નહીં હોવાનું જણાતાં તેના નમૂના લેબોરેટરીમાં ચકાસણી માટે મોકલી આપ્યા છે. આ અંગે ફુડ ઇન્સ્પેક્ટર સોલંકીએ જણાવ્યું હતું કે, નડિયાદમાં તહેવારોમાં તપાસની સાથે નમૂના લેવાની કાર્યવાહી હાથ ધરાઇ હતી. જેમાં મીઠો માવો-03, ફરસાણ-15, ખાદ્યતેલ-08, ઘી-02, મરી-મસાલા-11 મળી કુલ 58 નમૂના લેવામાં આવ્યાં હતા. નડિયાદની 14 બેકરીમાં ચેકિંગ કરાયું હતુ. જેમાં દીવાન બેકરી અને શિવ બેકરીની નાનખટાઇ આઇટમના પેકિંગ ડેટ દર્શાવેલી ન હતી. જેથી બન્ને બેકરીની નાનખટાઇ આઇટમના નમૂના લઇને લેબોરેટરીમાં ચકાસણી માટે મોકલી આપવામાં આવ્યાં હતા.