હુમલો:ચકલાસીમાં ઝાડ કાપવા મામલે દિયરે ભાભી પર હુમલો કર્યો

નડિયાદ તાલુકાના ચકલાસીના લાખાનગરમાં રહેતાં સુમિત્રાબેન અમરસિંહ ચૌહાણે ફરિયાદમાં જણાવ્યા મુજબ તેણીના ઘર પાસે આંબલીનું ઝાડ આવેલું હોઇ તેની દાઝ રાખી નજીકમાં રહેતાં તેના કુટુમ્બી દીયર ભગવાન જશુભાઇ ચૌહાણે લાકડાના ધોકા સાથે આવી અપશબ્દો બોલી અત્યારે જ આંબલીનું ઝાડ કાપી નાખવાનું કહી ઝઘડો કર્યો હતો.

મામલો વણસી જતાં ભગવાન જશુભાઇ ચૌહાણે ઉશ્કેરાઇ જઇ લાકડાના ધોકા વડે હુમલો કરી કપાળના ભાગે ફટકારી ઇજા પહોંચાડી જાનથી મારી નાખવાની ધમકી આપી હતી. ઇજાગ્રસ્ત સુમિત્રાબેનને ચકલાસી સરકારી દવાખાને સારવાર અર્થે ખસેડ્યાં હતા. પોલીસે કાર્યવાહી હાથ ધરી છે.