અકસ્માત:ટ્રાફિક સિગ્નલ સાથે ભટકાતાં બાઇકચાલકનું મૃત્યુ

કઠલાલના ભાટેરા ગામે રહેતો યુવક અમદાવાદ – ઇન્દોર ધોરી માર્ગ પર પુરપાટ ઝડપે બાઇક લઇને જતાં હતાં તે દરમિયાન શાપુર પાસે ટ્રાફિક સિગ્નલના થાંભલા સાથે અથડાતાં તેમનું મોત નિપજ્યું હતું. ભાટેરાના રઇજીભાઇ બારૈયા બાઇક લઇને અમદાવાદ-ઇન્દોર હાઇ વે પરના શાપુર વળાંક પાસેથી પસાર થતા હતા. ત્યારે ટ્રાફિક સિગ્નલના થાંભલા સાથે બાઇક ભટકાતાં તેમને માથાના ભાગે લોહિયાળ ઇજા થતાં તેનું સ્થળ પર જ મૃત્યુ નીપજ્યું હતુ.