તપાસ:પલાણામાં જમીન પચાવી ગેરકાયદે કબજો કર્યાની દસ સામે ફરિયાદ

નડિયાદમાં આવેલી મહાગુજરાત મેડિકલ સોસાયટી સંચાલિત બાસુદીવાલા ટી.બી.હોસ્પિટલ છઠ્ઠામાઇલ, પલાણાની સંસ્થાની જમીન ગેરકાયદે પચાવી પાડવા માટે વસો તાલુકાના દંતાલી ગામના 10 શખસે હાઇકોર્ટમાં ખોટો દાવો કર્યાની ફરિયાદ માતર પોલીસમાં સંસ્થાના ચેરમેનએ નોંધાવતા પોલીસે કાર્યવાહી કરી હતી.

નડિયાદમાં મહાગુજરાત મેડિકલ સોસાયટી સંચાલિત બાસુદીવાલા ટી.બી.હોસ્પિટલ, પલાણામાં છેલ્લાં 36 વર્ષથી ચેરમેન તરીકે સેવા આપતાં ભાસ્કરભાઇ તળશીભાઇ દેસાઇ (ઉવ.84)એ પલાણા ગામે આવેલી બાસુદીવાલા ટી.બી.હોસ્પિટલની જમીન ગેરકાયદે પચાવી પાડવા માટે કોઇપણ પ્રકારનો કાયદેસર દસ્તાવેજ નહીં હોવા છતાં ખોટો દાવો કોર્ટમાં દાખલ કરી સંસ્થા ગેરકાયદેસર કબજો કર્યો છે.

આ અંગે સંસ્થાના ચેરમેન ભાસ્કરભાઇ તળશીભાઇ દેસાઇએ વસો પોલીસમથકમાં વસોના દંતાલી ગામના ઇરફાનમીયા યાસીનમીયા મલેક, મુસ્તુફામીયા મહંમદમીયા મલેક, સમસુમીયા યાસીનમીયા મલેક, સલીમમીયા સમસુમીયા મલેક, અયુબમીયા મહંમદમીયા મલેક, સાબેરાબીબી યાસીનમીયા મલેક, ફકરૂમીયા મહંમદમીયા મલેક, અલ્લાઉદ્દીન મહંમદમીયા મલેક, મહેબુબમીયા બાઉદ્દીનમીયા મલેક, સગીરમીયા કાલુમીયા મલેક મળી 10 શખસ વિરૂધ્ધ ફરિયાદ નોંધાવી હતી. પોલીસે ગુનો નોંધી વધુ તપાસ હાથ ધરી હતી.