કાર્યવાહી:મહેમદાવાદના ગૌચર કૌભાંડમાં ચેરમેનના જામીન નામંજુર

મહેમદાવાદની આશાપુરા મજુર કામદાર સહકારી મંડળીના તત્કાલિન ચેરમેન નરેન્દ્ર બાબુભાઈ વાઘેલાએ રૂ.1.01 કરોડનું કૌભાંડ આચરવાના કેસમાં ધરપકડ કરવામાં આવી હતી. જેમના રિમાન્ડ પૂર્ણ થતાં તેઓએ જામીન અરજી મુકી હતી. જોકે, આ જામીન તેમના નામંજુર થયાં છે.

મહેમદાવાદના દસ ગામમાં ગૌચર સુધારણાના નામે એક કરોડનું કૌભાંડ આચરનારા નરેન્દ્ર બાબુભાઈ વાઘેલાની 16મી ડિસેમ્બરના રોજ એસીબી દ્વારા ધરપકડ કરવામાં આવી હતી. બાદમાં તેમના 21મી સુધીના રિમાન્ડ લેવામાં આવ્યાં હતાં. જોકે, રિમાન્ડ પૂર્ણ થતાં તેમને જ્યુડીશયલ કસ્ટડીમાં મોકલવામાં આવ્યાં હતાં. નરેન્દ્ર વાઘેલાએ રેગ્યુલર જામીન મેળવવા કોર્ટમાં અરજી કરી હતી. જે સરકારી વકીલ એચ.એન. રાવલની દલીલના પગલે નામંજુર કરવામાં આવી હતી.