અકસ્માત:મહેમદાવાદના વિરોલમાં રીક્ષાની અડફેટે બાઇક ચાલકને ઇજા

મહેમદાવાદ તાલુકાના વિરોલ ગામમાંથી પૂરપાટ ઝડપે પસાર થઇ રહેલા રીક્ષા ચાલકે બાઇકને ટક્કર મારતાં, બાઇક ચાલકને ઇજા થઇ હતી. ખેડાના પરસાંતજમાં રહેતા અરવિંદભાઇ ગોહિલ બાઇક લઇને વિરોલ ગામે તબલાનો દોરો બંધાવવા જઇ રહ્યા હતા. તેઓ ગામમાં વસામામાના મંદિર નજીકથી પસાર થઇ રહ્યા હતા. તે સમયે સામેથી પૂરપાટ ઝડપે આવી રહેલી રીક્ષાના ચાલકે બાઇકને ટક્કર મારતાં અરવિંદભાઇ માર્ગ પર પટકાયા હતા. આ મામલે મહેમદાવાદ પોલીસે રીક્ષાના ચાલક સામે ગુનો નોંધી કાર્યવાહી હાથ ધરી છે.