ક્રાઇમ:આખડોલ પાસેથી વિદેશી દારૂનો જથ્થો ઝડપાયો

નડિયાદ તાલુકાના આખડોલ નજીકથી પોલીસે બાતમીના આધારે ડાલુમાં લઇ જવાઇ રહેલો વિદેશી દારૂનો જથ્થો ઝડપી પાડ્યો હતો. નડિયાદ રૂરલ પોલીસની ટીમ પેટ્રોલીંગમાં હતી તે સમયે નડિયાદ તરફથી પીકઅપ ડાલુ આવતાં તેને ચાલકે રોડની સાઇડમાં પોતાનું ડાલુ ઉભું રાખીને ઉતરીને ફરાર થઇ ગયો હતો. જેથી પોલીસે ગાડીમાં તપાસ કરતાં જીજે-17 પાસિંગની ગાડીમાંથી વિદેશી દારૂનો જથ્થો મળી આવ્યો હતો. પોલીસે રૂ.1.50 લાખની કિંમતનો દારૂ અને રૂ.3 લાખની કિંમતનું ડાલુ મળીને કુલ રૂ. 4.50 લાખનો મુદ્દામાલ કબજે લઇ ડાલુના ચાલક સામે ગુનો નોંધી તપાસ હાથ ધરી છે.