ધરપકડ:ઠાસરામાં રીક્ષામાં દારૂની હેરાફેરીમાં એક શખ્સ પકડાયો

ઠાસરા પોલીસે પેટ્રોલીંગ દરમિયાન વાડદ રોડ પર મહિ કેનાલ પાસેથી પસાર થઇ રહેલી રીક્ષાને રોકી તેમાં તપાસ કરતાં વિદેશી દારૂનો જથ્થો મળી આવ્યો હતો. પોલીસે રૂ.10,800 ની કિંમતના દારૂ સાથે હરદેવસિંહ (રહે.અરવલ્લી)ને પકડી પાડ્યો હતો. જ્યારે નટુ નામનો શખસ ભાગી ગયો હતો. પોલીસે દારૂ અને રીક્ષા મળી કુલ રૂ.40,800 ની કિંમતનો મુદ્દામાલ કબજે લઇ નટુની ધરપકડ માટે ચક્રોગતિમાન કર્યાં છે.