પ્રિન્ટર જપ્ત:નડિયાદમાં બનાવટી નોટ છાપતાં 3 ઝડપાયાં : પ્રિન્ટર જપ્ત કરાયું

નડિયાદ શહેરના પશ્ચિમ વિસ્તારમાં પંજાબી સોસાયટીના આશિર્વાદ રો હાઉસમાં મકાન ભાડે રાખીને યુ-ટ્યુબ પર વિડીયો જોઇને બે દિવસમાં 3 શખ્સોએ રૂ. 17 લાખની બનાવટી નોટ છાપી હતી. આ મામલામાં પોલીસે રૂ.17,66,500 નો મુદ્દામાલ કબજે લીધો હતો. પ્રિન્ટર ઉપર બનાવટી ચલણી નોટ છાપીને તેને બજારમાં ફરતી કરવાનો કારસો રચવામાં આવ્યો હતો.આ અગાઉ અંબાવ સ્વામિનારાયણ મંદિરમાં પણ બનાવટી નોટ છાપવાના કૌભાંડનો પર્દાફાશ થયો હતો.