હુમલો:કપડવંજ નગરપાલિકાના પૂર્વ મહિલા પ્રમુખ સેજલબેન બ્રહ્મભટ્ટ પર અજાણ્યા શખ્સનો હુમલો, હુમલાખોર ફરાર

ખેડાની કપડવંજ નગરપાલિકાના પૂર્વ મહિલા પ્રમુખ સેજલબેન બ્રહ્મભટ્ટ પર હુમલાની ઘટના બની છે. મોટરસાયકલ પર હેલ્મેટ પહેલી આવેલો આવેલો અજાણ્યો હુમલાખોર ફરાર થઈ જતા પોલીસે શોધખોળ હાથ ધરી છે.

કપડવંજ નગરપાલિકાના પૂર્વ મહિલા પ્રમુખ આજે શહેરની સાઈનગર સોસાયટી પાસેથી પોતાના મોટરસાયકલ પર પસાર થઈ રહ્યા હતા ત્યારે જ બાઈક પર આવેલો એક શખ્સે લાત મારી સોનલબેનને પછાડી દીધા હતા. સોનલબેન મોટરસાયકલ પરથી પડી જતા સામાન્ય ઈજાઓ પહોંચી હતી. પોલીસે આ મામલે હાલ નિવેદન લેવાની કાર્યવાહી હાથ ધરી છે.

ભાજપ મોવડી મંડળ દ્વારા આ હુમલાને સખત શબ્દોમાં વખોડી કાઢવામાં આવ્યો છે અને આ બનાવમાં સંડોવાયેલા હેલમેટ ધારી બાઈક સવારને વહેલી તકે પકડી લેવા માંગ કરાઈ છે. અત્રે ઉલ્લેખનીય છે કે ગત તા. 17મી ફેબ્રુઆરીના રોજ શહેરના ભદ્રેશ પટેલ દ્વારા સોનલબેનને ફોન પર જાનથી મારી નાખવાની ધમકી મળી હતી. આ મામલે જે તે સમયે સોનલબેન તરફતી પોલીસ ફરિયાદ નોંધાવવામા આવી હતી.