ઉજવણી:દર સાલ અન્નકૂટ મહોત્સવ અને ગોવર્ધન પૂજા કેવી રીતે થાય છે?

ભગવાન રણછોડરાયજીને મંગળાઆરતી બાદ સ્નાન કરાવી આભૂષણોના વિશેષ શ્રૃંગાર કરાય છે. બપોરે મંદિરના મુખ્ય દ્ધાર પાસે શાસ્ત્રોક્ત વિધિ કરી ગોવર્ધન પૂજા કરવામાં આવે છે. બાદમાં બપોરે બંધ દરવાજે ઘુમ્મટમાં બુંદી, ભાત તથા અન્ય મિઠાઇ વગેરેથી 151 મણ સામગ્રીનો અન્નકૂટનો મોટો ઢગલો કરાય છે.. આ અન્નકૂટની પ્રસાદી ગ્રહણ કરવા માટે મંદિર તરફથી આસપાસના નક્કી કરેલા ગ્રામ્ય વિસ્તારના લોકોને આમંત્રણ આપવામાં આવે છે. બપોરે મંદિરના દરવાજા બંધ થતા જ મુખ્ય તથા ઉત્તર તરફના દરવાજે આસપાસના ગામડાના લોકો ગોઠવાઇ જાય છે, દરવાજા ખૂલતાની સાથે જ ઘુમ્મટ તરફ દોટ લગાવી અન્નકૂટની લૂંટ કરવામાં આવે છે, અને આ પ્રસાદીનું ભાવિકોને વિતરણ કરવામાં આવે છે.