ફફડાટ:ડાકોર પાલિકા સભ્યોને કમિશ્નરનું તેડું સંમતીઓ રદ્દ કરવા દોડધામ

ડાકોર પાલીકાના સભ્યોને મિલકત બારોબાર ભાડે આપવા બાબતે શહેરી વિકાસ કમિશ્નરનું તેંડુ આવતા ફફડાટ વ્યાપી ગયો છે. સભ્યોએ કારોબારી સમિતિ અને સમાન્યસભામાંથી આપેલી સંમતી રદ કરવાની અરજી આપવા લાગ્યા છે. ડાકોર નગરપાલીકાના સભ્યોને શહેરી વિકાસ કમિશ્નરનું તેંડુ આવતા ફફડાટ વ્યાપી ગયો છે. જેને પગલે સભ્યોએ કારોબારી સમિતિ અને સમાન્યસભામાંથી આપેલ સંમતી રદ કરવાની અરજી આપવા લાગ્યા છે.

ડાકોર પાલિકાની હાલની ચાલુ બોડીમાં સરકારી મિલકતો ભાડા પટ્ટે આપવાના ઠરાવો કરવામાં આવતા ચીફ ઓફિસર દ્વારા કલમ 258નો ઉપયોગ કરી પ્રાદેશીક કચેરીમાં સરકારી મિલકતો ભાડે આપવાના ઠરાવોને રદ કરવાની અપીલ કરવામાં આવી છે. અગાઉ ડાકોર પાલિકાની સામાન્ય સભા અને કારોબારી સમિતિઓમાં ડાકોરની સરકારી મિલકતો ભાડે ાપવાના કરેલા ઠરાવ બાબતે શહેરી વિકાસ કમિશનર દ્વારા કારોબારી સમિતિના 9 સભ્યોને 11મી ફેબ્રુઆરીના રોજ બોલાવવામાં આવ્યાં છે. જેના પગલે વોર્ડ નં.3ના સભ્ય ઇબ્રાહીમભાઈ બાંડી દ્વારા 30મી ના રોજ સામાન્ય સભાના ઠરાવમાં આપેલી સંમતી રદ કરવાની અરજી કરવામાં આવી છે. જેમાં જણાવ્યું હતું કે, સરકારી મિલકત ભાડે આપવા બાબતે અને સરકારી કર્મચારીના ઠરાવ અંગે અમારી સંમતી નથી.