વેરોધ:વાંકાનેર પેડક વિસ્તારમાં પહેલા માર્ગ પછી મતદાનના સૂત્રોચ્ચાર

વાંકાનેર પેડક વિસ્તાર વોર્ડ નંબર છમાં મહિલાઓ વિફરી પહેલા રોડ અને ભૂગર્ભ ગટર સહિતની સગવડતા આપો નહીંતર મતદાનનો બહિષ્કાર કરીશું. શહેરના પેડક વિસ્તારમાં વર્ષોથી અનેક સમસ્યાઓ જેમની તેમ જ છે. આ વિસ્તારમાં મુખ્યત્વે રસ્તાઓ અને ભૂગર્ભ ગટર તેમજ સફાઈને લગતા પ્રશ્નો વણઉકેલ છે. ભૂગર્ભ ગટર અમુક વિસ્તારોમાં છે તો ત્યાં ઉભરાતી હોવાથી ગંદગીના ગજ જામી ગયા છે.

વોર્ડ નંબર છમા આવી અનેક સમસ્યાઓ થી પીડાતી મહિલાઓ આ વિસ્તારમાં આવેલા ઓમકારેશ્વર મહાદેવ મંદિર ખાતે એકત્રિત થયા હતા જ્યાં સૂત્રોચ્ચાર કર્યા હતા કે પહેલા રોડ ભૂગર્ભ ગટર વ્યવસ્થા સહિતની કામગીરી કરો પછી જ મતદાન કરશું. અને અંતમાં મહિલાઓએ જણાવ્યું હતું કે દર ચૂંટણીમાં નેતાઓ આવી માત્ર વાયદાઓ જ કરે છે આ ચૂંટણીમાં પહેલા સગવડતા પછી જ મતદાન એવો નિર્ધાર કર્યો છે.