તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

ગંદકી:વાંકાનેર તાલુકા પંચાયત કચેરીમાં ઠેકઠેકાણે પાનની પિચકારીની રંગોળી !

વાંકાનેર21 દિવસ પહેલા
  • કૉપી લિંક
  • ટી.ડી.ઓ, તાલુકા પંચાયત પ્રમુખની ચેમ્બર સામે જ ગંદકીનું સામ્રાજ્ય

વાંકાનેર તાલુકા પંચાયત કચેરીની મધ્યમાં આવેલી જગ્યા કે જ્યાં ફૂલછોડ કે ફુવારો મૂકવાનો હોય ત્યાં કર્મચારીઓ , પદાધિકારીઓ સહિતના લોકોએ પાન માવા ખાઈને ખુલ્લેઆમ પિચકારીઓ મારી જાણે થુંકદાની બનાવી દીધી છે.

તાલુકા પંચાયત કચેરી જે તે સમયે નવનિર્માણ થયું હશે ત્યારે વિવિધ કચેરીઓની મધ્યમાં ખુલ્લી જગ્યા મૂકવામાં આવી હતી જેને સિમેન્ટથી તળિયું પણ બનાવવામાં આવેલું છે જ્યાં કદાચ ફૂલછોડ માટે કે અન્ય સુશોભન બનાવવાનું આયોજન હશે જે આજ દિન સુધી કામગીરી અધૂરી મૂકવામાં આવેલી છે પરંતુ આ અધૂરી મૂકવામાં આવેલી કચેરીઓ વચ્ચેની મધ્યમાં હાલ તો કર્મચારીઓ સહિતના લોકોએ ગંદકીની ભરમાર ખડકી દીધી છે.

ઉલ્લેખનીય બાબત છે કે જે જગ્યાએ લોકો પાન માવા ખાઈને ખુલ્લેઆમ પિચકારીઓ મારી રહ્યા છે તે એકદમ તાલુકા વિકાસ અધિકારી તથા વાકાનેર તાલુકા પંચાયત પ્રમુખની ચેમ્બર થી માત્ર પાંચ ફૂટ ના અંતરે આવેલ છે અને આ તમામ જગ્યાની આસપાસ સી.સી.ટી.વી.કેમેરા પણ મૂકાયેલા છે છતાં આ ગંદકી દૂર કરવાની કે ગંદકી કરનાર તત્વોને પાઠ ભણાવવાની કોઈ તંત્ર કે ચૂંટાયેલા પ્રતિનિધિઓ તસ્દી લેતા નથી.

અન્ય સમાચારો પણ છે...