કાર્યવાહી:સાવડીની પીડિતાને સધિયારો આપવા ખાસ ટીમ આવશે

તા.2 ડિસેમ્બરના રોજ ટંકારાના સાવડી ગામે ગામડાની સગીર વયની દિકરી ઉપર થયેલા દુષ્કર્મ પ્રકરણમાં સામાજીક એકતા જાગૃતિ મિશનના રાષ્ટ્રીય હોદેદારો આજે મંગળવારે પિડીત સગીરાના પરીવારને સધિયારો આપી આ મુદે્ જિલ્લા પોલીસવડાને મળી રજૂઆત પણ કરી પિડીતાને ન્યાય માટે રણનીતી ઘડશે.

ટંકારા તાલુકાના સાવડી ગામે ગામડાની સગીર વયની દિકરી પર બે ઢગાઅે દુષ્કર્મ આચરવાની ઘટના બની હતી. જો કે, બનાવ બાદ પોલીસે તાબડતોબ બંનેની ધરપકડ પણ કરી હતી. સગીરા પરના દુષ્કર્મના બનાવ અંગે સામાજિક એકતા જાગૃતિ મિશનના રાષ્ટિૃય સંયોજક કેવલસિંહ રાઠોડ, રાષ્ટ્રીય મહાસચિવ ચિરાગ પરીખ, રાષ્ટ્રીય મહાસચિવ ભીમજી બેડવા, રાષ્ટ્રીય પ્રવક્તા તરૂણ રાઠોડ, પ્રદેશ પ્રભારી સુશ્રી ભાવના રાઠોડ સહિત ના સાવડી ગામે જઈ પિડીતાના પરીવારને મળી સધિયારો આપશે.