કોરોના કાબૂમાં:મોરબીમાં વધુ ત્રણ દર્દી કોરોના પોઝિટિવ

મોરબી જિલ્લામાં કોરોનાનું સંક્રમણ સાવ નહિવત થઇ ગયું હોય તેમ સમગ્ર જિલ્લામાં માત્ર 3 કેસ જ પોઝિટવ આવ્યા હતા.જેમાં એક મોરબી શહેર ગ્રામ્ય અને હળવદમાં નોંધાયા હતા જ્યારે 3 તાલુકામાં એક પણ નવો કેસ આવ્યો નથી. બીજી તરફ 6 દર્દી સ્વસ્થ થઇ જતા તેઓને રજા આપવામાં આવી હતી.

જિલ્લામાં હાલ 45 દર્દી એક્ટિવ કેસમાં નોંધાયા છે. જેઓની હાલ સારવાર ચાલી રહી છે. બીજી તરફ આરોગ્ય વિભાગમાં નોંધાયેલા આંકડા મુજબ 19 દર્દીઓ કોરોનાનો જંગ હારી ગયા હતા અને મોતને ભેટયા હતા.મોરબી જિલ્લામાં કોરોનાની આજદિન સુધીની સ્થિતિ જોઇએ તો કુલ 1,60,028 દર્દીઓના સેમ્પલ લેવામાં આવ્યા હતા જેમાંથી 3320 દર્દીઓના કેસ પોઝીટિવ આવ્યા હતા જેમાથી 3063 દર્દીઓ કોરોના સામે જંગ જીતી સ્વસ્થ થઈ ગયા હતા.