કોરોના કાબૂમાં:મોરબી શહેરમાં જ કોરોનાના ત્રણ કેસ, તાલુકાઓમાં કયાંય પણ નવો કેસ નહિ

મોરબી જિલ્લામાં કોરોનાનું સંક્રમણ ધીમે ધીમે વિદાય લઈ રહ્યું હોય તેમ કેસમાં દિન પ્રતિદિન ઘટાડો આવ્યો છે. અને તેની અસર આરોગ્ય વિભાગ દ્વારા જાહેર કરેલ આંકડામાં જોવા મળ્યા છે. આરોગ્ય વિભાગ દ્વારા જાહેર કરેલ બુલેટિન મુજબ કુલ 366 લોકોના સેમ્પલ લેવામાં આવ્યા હતા તેમાંથી માત્ર મોરબી શહેરમા જ 3 કેસ સામે આવ્યા હતા જ્યારે મોરબી ગ્રામ્ય મળી કુલ તમામ 5 તાલુકા અને 3 નગરપાલિકા વિસ્તારમાં નવા કેસ નોંધાયા ન હતા.બીજી તરફ 5 દર્દીઓ સ્વસ્થ થઈ જતા તેઓને હોસ્પિટલમાંથી ડિસ્ચાર્જ કરવામાં આવ્યા હતા.જિલ્લામાં કોરોનાની ઓલ અવર સ્થિતી જોઇએ તો કુલ 1,61,247 દર્દીઓના સેમ્પલ ટેસ્ટ કરાયા હતા તેમાંથી માત્ર 3331 કોરોના પોઝિટિવ કેસ આવ્યા હતા.તેમાંથી 46 દર્દી જ હાલ એક્ટિવ કેસ છે.