તસ્કરી:મોરબીમાં એક જ રાતમાં 3 સ્થળે ચોરી, તસ્કરો CCTV કેમેરામાં કેદ

મોરબીમાં ફરીવાર તસ્કરોએ તરખાટ મચાવ્યો હતો અને એક રાતમાં અલગ અલગ સોસાયટી વિસ્તારમાં ત્રણ મકાનને નિશાન બનાવ્યા હતા. જેમાં પ્રથમ બનાવ મોરબીના ચિત્રકૂટ સોસાયટીમાં રહેતા કેતનભાઇ કાચરોલાના ઘરમાંથી તસ્કરોએ કબાટ તોડી 10 હજાર રોકડ અને દાગીનાની ચોરી કરી હતી બીજા રૂમનો કબાટ તોડી ચોરી કરવા જતાં હતાં ત્યાં સુધીમા કેતનભાઈ જાગી ગયા હતા અને પડકાર કરતા તિજોરી ખુલ્લી મૂકી ભાગી ગયા હતા.

તેમજ અનિલ પાર્કમાં રહેતા રવજીભાઈ મોતીભાઈ કણઝારિયાના ઘરમાંથી રૂ.5000 ભરેલ પર્સની ચોરી કરી હતી. ઘટના દરમિયાન રવજીભાઇના માતાને પથ્થરમારી ઇજા પહોંચાડી ફરાર થઇ ગયા હતા. આ ઉપરાંત કીશન પાર્કમાં ભાડાના મકાનમાં રહેતા જયદીપભાઈ પૂર્ણ વેરાગીના ઘરમાંથી રોકડ રકમ ન મળતા માત્ર પાસપોર્ટ, લાયસન્સ સહિતના ઓરિજીનલ ડોક્યુમેન્ટ ભરેલ પર્સ ચોરી કરી હતી.