બેદરકારી:પાલિકા કર્મીએ ટાયરમાં હવા ન હોવા છતાં ટ્રેક્ટર દોડાવ્યું, મોરબીમાં રસ્તા પર અન્ય ચાલકો માટે જોખમ સર્જ્યું

મોરબી પાલિકાના વાહન વિભાગનું એક ટ્રેકટર મોરબી શહેરના મહેન્દ્રનગર ગામથી મોરબી શહેર તરફ આવતું હતું. જેનો વિડીયો શૉશ્યલ મીડિયામાં જાહેર થયો હતો. આ ટ્રેક્ટરની ખાસિયત એ હતી કે તેના ટ્રોલીના એક પણ વ્હીલમાં હવા ન હોવા છતાં આડેધડ ચલાવતો હતો.અને પાછળ આવતા અન્ય વાહનો માટે પણ જોખમી બનતા લોકો પણ તેનાથી બચતા જોવા મળતા હતા. આ દરમિયાન બાઈક સવાર જાગૃત યુવાનોએ ટ્રેક્ટર રોકાવી કોનું ટ્રેક્ટર છે.

અને ક્યાં લઈ જાઓ છો તેવું પૂછતાં તેને પાલિકાનું ટ્રેકટર હોય અને રીપેર માટે લઈ જતા હોવાનું જણાવ્યું હતું. બાઇક સવારે પાછળ હવા નથી તેમ છતાં ચલાવો છો, કોઈને ઇજા થાય તો? તેમ પૂછતાં કોઈને નહિ લાગે... તેમ જણાવી બેજવાબદારી પૂર્વક ટ્રેકટર લઈને નીકળી ગયો હતો.પાલિકા કર્મી જ પોતે આ રીતે બેદરકારી પૂર્વક ટ્રેકટર લઈને નીકળે એ કેટલું વ્યાજબી છે? ખરેખર આ ટ્રેકટર કોઈ નિર્દોષ વાહન ચાલકને હડફેટે લે તો જવાબદારી કોની?