મોરબીના ગૌરવમાં વધારો:નાની વાવડી કુમાર પ્રા. શાળાના શિક્ષકને ટીચિંગ એક્સેલન્ટ એવોર્ડ એનાયત કરાયો; ભારતમાંથી 37 શિક્ષકોને સન્માનિત કરાયા હતા

મોરબી તાલુકાના નાની વાવડી કુમાર પ્રાથમિક શાળાના શિક્ષક અશોકભાઈ કાંજીયાને ટીચિંગ એક્સેલન્ટ એવોર્ડ 2022થી સન્માનિત કરવામાં આવ્યા હતા. સમગ્ર ભારતમાંથી પ્રાથમિક શિક્ષણ ક્ષેત્રે ઇનોવેટીવ શિક્ષણ કાર્ય કરનાર ઓનલાઇન વોટિંગના આધારે કુલ 37 શિક્ષકોનું ટીચિંગ એક્સેલન્ટ એવૉર્ડ આપી સન્માન કરવામાં આવ્યું હતું.

શિક્ષકોની વિવિધ પ્રકારની શૈક્ષણિક કામગીરીના આધારે ઓનલાઇન વોટિંગ કરવામાં આવ્યું હતું. જેમાં સૌથી વધુ વોટ મેળવનાર ભારતમાંથી 37 શિક્ષકોને સન્માનિત કરવામાં આવ્યા હતા. જેમાં મોરબી જિલ્લામાંથી નાની વાવડી કુમાર પ્રાથમિક શાળાના શિક્ષક કાંજીયા અશોકભાઈને સન્માનિત કરવામાં આવ્યા હતા. જે મોરબી જિલ્લા માટે ખૂબ જ ગૌરવપૂર્ણ છે. આ તકે ઓનલાઇન વોટિંગ કરનાર તમામ વિધાર્થીઓ અને વાલીઓનો અશોકભાઈએ આભાર વ્યક્ત કર્યો હતો. આ એવોર્ડ મેળવવા બદલ કાંજીયા અશોકભાઈએ દેશ લેવલે શિક્ષણ ક્ષેત્રે મોરબી જિલ્લાનું નામ રોશન કર્યું છે. જે બદલ તેમને શાળા પરિવાર, ગ્રામજનો તથા મિત્ર વર્તુળમાંથી તેમને શુભેચ્છાઓ આપી રહ્યા છે.