રાજકારણ ગરમાયું:સ્થાનિક-યુવાન ઉમેદવારોને આવકારોના બેનરો લાગ્યા

મોરબીમાં આગામી ચૂંટણી માટે હજુ પક્ષો દ્વારા સેન્સ લેવાય છે અને ઉમેદવારોએ હજુ દાવેદારી જ નોંધાવી છે. એક તરફ ભાજપ દ્વારા યુવા અને સક્રીય કાર્યકરોને ટિકિટ આપવાની જાહેરાત કરી છે ત્યારે હવે કોંગ્રેસ પણ આવા ઉમેદવારની પસંદગી કરે તેવી રણનીતિ ઘડી શકે છે હાલ બનને મુખ્ય પક્ષના તેમજ ઉમેદવાર ફાઇનલ થયા નથી.ત્યારે મોરબીના મતદારોનો મિજાજ સામે આવી રહ્યો છે. જે જુના જોગી ઓની ઊંઘ ઉડાડી રહ્યા છે.

મોરબીના વોર્ડ નંબર 5 માં આવેલ દરબારગઢ વિસ્તારમાં ઉમેદવારની પસંદગીના ધારા ધોરણ અંગે ઠેર ઠેર બેનેરો લગાવવામાં આવ્યા છે. આ બેનરોમાં સ્પષ્ટ લખ્યું છે કે, “આવનારી નગરપાલિકાની ચૂંટણીમાં માત્ર સ્થાનિક ઉમેદવાર અને યુવાન ઉમેદવારને જ આવકાર અને આયાતી તથા 55 વર્ષથી વધુ વયના ઉમેદવારને જાકારો” સ્થાનિક રહેવાસીઓએ આ પ્રકારના લખાણ સાથે બેનરો લગાવ્યા છે.