ધરપકડ:તમિલનાડુના વેપારીની 30 કિલો ચાંદીનો ચોર મોરબીથી ઝબ્બે, LCBએ તમામ મુદ્દામાલ કબજે લીધો

તમિલનાડુ રાજયના માયલાપુર પોલીસ સ્ટેશનમાં નોંધાયેલી ચોરીના ગુન્હામાં નાસી ગયેલા આરોપીને મોરબીમાંથી એલસીબીએ ઝડપી લીધો હતો. એલસીબીની ટીમે આરોપી પાસેથી ચોરાઉ ૩૦ કિલો ચાંદી કિ.રૂ.૧૮,૦૦,૦૦૦ના મુદામાલ કબ્જે કરીને કાર્યવાહી હાથ ધરી છે. તમીલનાડુ રાજયના માયલાપુર (ચેન્નઇ) જિલ્લાના માયલાપુર પોલીસ સ્ટેશન વિસ્તારમાં સોનીના વેપારીની દુકાનમાં કામ કરતો આરોપી ૩૦ કિલો ચાંદીની નોકર ચોરી કરી ભાગી મોરબી તરફ આવેલો હોય જેથી આરોપી તથા મુદામાલની તપાસમાં (ચેન્નઇ) માયલાપુર પોલીસ સ્ટેશનની ટીમ તપાસ અર્થે મોરબી આવતા તેઓની સાથે મદદમાં રહી આરોપી મુદ્દામાલ બાબતે તપાસ કરતા મોરબી, રંગપર રોડ ઉપરથી ગુનામાં સંડોવાયેલો આરોપી ચેતનસીંગ રજીતસીંગ રાવત વાળાને ઝડપી લીધો હતો.