અકસ્માત:મોરબીના લાલપર પાસે હિટ એન્ડ રન, એકનું મોત

મોરબીના લાલપર ગામ નજીક ગેટ સામે શુક્રવારે મોડી રાત્રે એક હિટ એન્ડ રનની ઘટના બની હતી જેમાં જાંબુડીયા ગામમાં રહેતા 29 વર્ષીય યુવકને માથાના ભાગે ગંભીર ઇજા પહોંચતા તેનું ઘટના સ્થળે મોત થયું હતું. બનાવ અંગે મૃતકના ભાઈની ફરિયાદ આધારેતાલુકા પોલીસે અકસ્માત મોત અંગે નોંધ કરી વાહન ચાલકની શોધખોળ હાથ ધરી હતી.બનાવની મળતી માહિતી મુજબ શુક્રવારે મોડી રાત્રે જીજે 36ઇ3571 નમ્બરનું બાઈક લઈને જતા જાંબુડિયા ગામના વતની પ્રકાશભાઈ ખીમજીભાઈ સોલંકી નામનો 29 વર્ષીય યુવક મોરબીના લાલપર ગામ નજીકથી નીકળી રહ્યો હતો તે દરમિયાન એક અજાણ્યા વાહન ચાલકે ઠોકર મારી પછાડી દીધા હતા

આ ઘટનામાં પ્રકાશને માથાના ભાગે ગંભીર ઇજા પહોંચી હતી જેમાં તેનું ઘટના સ્થળે મોત નિપજ્યું હતું.આ અંગે તાલુકા પોલીસે મૃતકના ભાઈ રમેશભાઈ ખીમજીભાઈ સોલંકીની ફરિયાદ આધારે ગુન્હો નોધી આગળની કાર્યવાહી હાથ ધરી અજાણ્યા વાહન ચાલકની શોધખોળ હાથ ધરી હતી.