દરોડો:મોરબીના લાલપરમાં જુગારીઓ પર તવાઇ, વાંકાનેર તાલુકાના ભીમગુડામાંથી પાનાં ટીંચતા 4 ઝડપાયા, 3 ફરાર

મોરબી22 દિવસ પહેલા
  • કૉપી લિંક

મોરબીના લાલપરમાં ખોડિયાર પ્રોવિઝન સ્ટોર પાસે જુગાર રમાતો હોવાની બાતમીના આધારે પોલીસે વોચ ગોઠવી હતી અને 4 જુગારીની પોલીસે ધરપકડ કરી છે.મોરબી તાલુકાના લાલપરમાં પોલીસની ટીમ પેટ્રોલિંગમાં હતી, દરમિયાન ડેરીવાળી શેરી ન્યૂ ખોડીયાર પ્રોવિઝન સ્ટોર પાસે જુગારધામ ચાલતું હોવાની બાતમીના આધારે દરોડો પાડ્યો હતો અને જુગાર રમતા રાજદીપસિંહ પરમાર, યોગેશભાઈ પટેલ, અજયભાઈ પટેલ, વિપુલસિંહ પઢીયારને ઝડપી લીધા હતા અને પોલીસે રોકડા રૂ. 10,100/-નાો મુદ્દામાલ જપ્ત કર્યો હતો.

વાંકાનેરના ભીમગુડાથી જુગાર રમતા 4 ઈસમોની તાલુકા પોલીસે ધરપકડ કરી છે, જ્યારે અન્ય 3 ફરાર જુગારીને સકંજામાં લેવા તજવીજ હાથ ધરી છે. રેડ દરમ્યાન આરોપી દશરથભાઇ વિંજવાડિયા, ગોરધનભાઇ વિંજવાડિયા, પ્રવિણભાઇ વિંજવાડિયા, ભુપતભાઇ રાતોજા ઝડપાયા હતા. જ્યારે આરોપી પ્રવિણભાઇ કોળી, પરબત કોળી અને અજય કોળી નાસી છૂટ્યા હતા. પોલીસે રોકડ, ફોન સહિત 56800નો મુદ્દામાલ જપ્ત કર્યો હતો.

ઢુવામાં જુગારધામ પર દરોડો
વાંકાનેર તાલુકાના ઢુવા ગામે મોરબી એલસીબી ટીમે બાતમીને આધારે વાડીની ઓરડીમાં જુગાર રમતા ૧૨ ઇસમોને ઝડપી લઈને ૩.૧૭ લાખનો મુદામાલ જપ્ત કર્યો છે. ટીમે જુગાર રમતા રવિરાજ પ્રતાપ સિંધવ, માધવ ગગજી રાઠોડ, ગીરીશ ઉર્ફે ગૌતમ મેઘરાજ મોહીનાણી, ધીરૂ ભલા રોજાસરા, મેહુલ પ્રતાપ રાઠોડ, મયુર પરષોતમ ભાડજા, કુલદીપ અજીત પરમાર, કિશન વશરામ ચનીયાર, જાવેદ ગુલામ સિપાઈ, કુતબેઆલમ રસુલ સિપાઈ, પૃથ્વીરાજ નીતીશ ચૌહાણ, રાજદાન લાભુદાન ગુઢડાને ઝડપી લીધા હતા. રેડ દરમ્યાન સ્થળ પરથી સ્થળ પરથી રૂ ૨,૦૭,૦૦૦ રોકડ રકમ અને ૪ બાઈકમળીને કુલ રૂ ૩.૧૭ લાખનો મુદામાલ પોલીસે જપ્ત કરી વધુ તપાસ હાથ ધરી છે.

અન્ય સમાચારો પણ છે...