ધરપકડ:મોરબીના શનાળામાં વાડીએ જુગાર રમતા ચાર પકડાયા

મોરબીના શનાળા ગામની વાડીની ઓરડીમાં ચાલતા જુગારધામ પર પોલીસે દરોડો પાડી જુગાર રમતા 4 શખ્સને ઝડપી લીધા હતા. અને રૂ.1.15 લાખનો મુદામાલ જપ્ત કરી કાર્યવાહી કરી હતી.બનાવની પોલીસ મથકથી મળતી માહિતી મુજબ મોરબીના શનાળા ગામમાં રમેશભાઇ રામજીભાઇ પટેલની વાડીમાં જુગાર ધામ ચાલતું હોવાની બાતમી આધારે દરોડો પાડી એક ઓરડીમાં જુગાર રમતા રમેશભાઇ, પ્રીતેશભાઇ બાબુલાલ પનારા, રજનીશભાઇ પ્રાણજીવનભાઇ દેત્રોજા અને નૌતમભાઇ ઉર્ફે જગો વીરજીભાઇ ફેફરને ઝડપી લીધા હતા પોલીસે આરોપીઓ પાસેથી કુલ રોકડ રકમ રૂ. 1,15,800 કબ્જે કરી છે. તેમજ પોલીસ દ્વારા આરોપીઓની અટકાયત કરવામાં આવી છે.