ક્રાઈમ:મોરબીના જાંબુડિયા ગામમાં સામાન્ય બાબતમાં પાડોશીઓ વચ્ચે મારામારી

મોરબીના જાંબુડીયા ગામે સામાન્ય બાબતમાં પાડોશીઓ બાખડયા હોવાનો બનાવ પોલીસ મથકે પહોંચ્યો છે.જેમાં મહિલાને તેના પાડોશી પરિવારના ચાર સભ્યોએ માર માર્યાની તાલુકા પોલીસ મથકે ફરિયાદ નોંધાતા પોલીસે તપાસ હાથ ધરી છે.

મોરબીના જાંબુડીયા ગામે આવેલ ધર્મેસીધ્ધી સોસાયટીમાં રહેતા રંજનબેન સુરેશભાઇ સાગઠીયાને પાડોશમા રહેતા જેરામભાઈ તથા નીકીતાબેનને પાણી બાબતે બોલાચાલી થતી હતી જે બાદ ફરીયાદી રંજનબેનની દીકરી બહાર નીકળતા આરોપીઓ હસુભાઈ ભગુભાઈ પારઘી, ભરતભાઈનો દીકરો, ભાનુબેન, રેખાબેને રંજનબેન તથા તેમની દીકરીને ગાળો બોલી ઢીકાપાટુનો મુંઢમાર મારી જાનથી મારી નાખવાની ધમકી આપી હતી.