આપઘાત:સાસરિયાના ત્રાસથી કંટાળી પરિણીતાએ આપઘાત કર્યો, જામનગર રહેતા પિતાની પોલીસમાં ફરિયાદ

મોરબીમાં પરિણીતા આપઘાત કેસમાં તેના સાસરિયાઓ સામે ફરિયાદ નોંધાઇ છે.જેમાં મૃતકના પિતાની ફરિયાદ પરથી પોલીસે સાસરિયા સામે રસોઇ કામ તથા કરીયાવર બાબતે દુઃખ ત્રાસ આપી મરવા મજબૂર કર્યાનો ગુનો નોંધી તપાસ હાથ ધરી છે. જામનગરના જુના રેલ્વે સ્ટેશન નજીક રહેતા જંયતીભાઇ ભીમજીભાઇ શેખાવાની દીકરીના પાયલના લગ્ન મોરબીના વિસીપરામાં થયા હતા.

લગ્ન બાદ સાસરિયાઓ રસોઇ કામ તથા કરીયાવર બાબતે ત્રાસ આપી માર મારી ફરીયાદીની દિકરીને મરવા મજબુર કરતા તા.૨૪ ડિસેમ્બરના રોજ ફરીયાદીની દિકરી પાયલે પોતાની સાસરીમા આપઘાત કરી લીધો હતો.આ બનાવમાં મૃતકમાં સાસરિયા ગીતાબેન મહેશભાઇ ચૌહાણ, પુનમબેન મહેશભાઇ ચૌહાણ, પુજાબેન હીતેષભાઇ મોહનભાઇ સોલંકી, નીતીનભાઇ મહેશભાઇ ચૌહાણ સામે ફરિયાદ નોંધાવી હતી.