સ્થાનિક સ્વરાજ્યની ચૂંટણી:ચૂંટણી ભલે વિકાસના નામે થાય પણ ઉમેદવાર પસંદગી જ્ઞાતિ સમીકરણ પર જ

મોરબીમાં ઉમેદવારી ફોર્મ ચકાસણી અને પરત ખેંચવાની મુદત પૂર્ણ થઈ જતા હવે ઉમેદવારોનું ચિત્ર સ્પષ્ટ થઈ ગયું છે અને ઉમેદવારોની ફાઇનલ યાદી સામે આવી ચૂકી છે. હાલ બન્ને પક્ષ દ્વારા ચૂંટણી ભલે વિકાસ નામે લડવાની વાતો કરતું હોય પણ ઉમેદવાર પસંદગી તો જ્ઞાતિ સમીકરણ આધારે જ થતી હોય છે. મોરબીમાં પટેલ અને સતવારા સમાજની વસતી સૌથી વધુ છે. જેથી ટિકિટ ફાળવણીમાં બન્ને જ્ઞાતિને ભાજપ કોંગ્રેસ ડઝન જેટલા ઉમેદવારોને સામ સામે ઉતર્યા છે. મોરબીમાં ભાજપે 13 અને કોંગ્રેસે 13 પટેલને ટિકિટ આપી ઉમેદવારી કરાવી છે તો 10થી વધુ સતવારા સમાજના ઉમેદવારોની ટિકિટ આપી છે.

આ ઉપરાંત કોંગ્રેસ દ્વારા 5 મુસ્લિમ તો ભાજપ દ્વારા 3 મુસ્લિમ ઉમેદવાર ઉભા રાખ્યા છે. આવી જ રિતે કોંગ્રેસ દ્વારા 5 ક્ષત્રિયને તો ભાજપે 3 ક્ષત્રિયની ટિકિટ આપી છે.ભાજપ કોંગ્રેસ દ્વારા 3-3 ટિકિટ અનુ.જાતિને 3-3બ્રાહ્મણ સમાજને 3-3 આહીર, 2-2 કોળી સમાજને 1-1 રબારી ભરવાડને બન્ને પક્ષ દ્વારા ટિકિટ આપવામાં આવી છે. મોરબીમાં પ્રથમ વખત સ્થાનીક સ્વારાજ્યની ચૂંટણી લડતા આમ આદમી પાર્ટીએ પણ પટેલ, સતવારા, અનુ.જાતિ, મુસ્લિમ ક્ષત્રિય સમાજ વગેરેને ટિકિટ આપી જ્ઞાતિઓના મત અંકે કરવા તમામ પ્રયાસ હાથ ધર્યા છે.

​​​​​​​

​​​​​​​

​​​​​​​

​​​​​​​

​​​​​​​

​​​​​​​

​​​​​​​

​​​​​​​

​​​​​​​

​​​​​​​

​​​​​​​

​​​​​​​

​​​​​​​