માંગણી:મોરબીના પ્રેમજીનગર પાસે સ્ટ્રીટલાઈટ ફીટ કરવા માગ

નેશનલ હાઇવે નમ્બર 27 પર વાંકાનેર મોરબી વચ્ચે આવેલા મકનસર ગામથી પ્રેમજી નગર ગામ પાસે વળાંક આવેલો હોય તેમજ હાઇવેની બન્ને સાઈડ માનવ વસાહત રહેતી હોય આ વિસ્તારમાં અંધારાના કારણે અવાર નવાર જીવલેણ અકસ્માત સર્જાઈ રહયા છે.

જેમાં નિર્દોષ લોકોએ જીવ ગુમાવ્યો છે ત્યારે ભવિષ્યમાં આવી ઘટના બનતી અટકાવવા વહેલી તકે સ્ટ્રીટલાઈટ ફીટ કરવી જરૂરી છે. જેથી આ અંગે મકનસરના પૂર્વ સરપંચ રમેશ સોલંકીએ મુખ્યમંત્રી સ્વાગત કાર્યક્રમમાં આ રજૂઆત કરી વહેલી તકે નેશનલ હાઇવે પર પોલીસ હેડક્વાર્ટરની જગ્યાથી મકનસર ગામ સુધી જ્યાં પણ માનવ વસાહત છે ત્યાં સ્ટ્રીટલાઈટ ફિટ કરવા માગણી કરી છે.