પાણીનો બેફામ બગાડ:મોરબીના સરદાર બાગ સમ્પના વાલ્વમાં ભંગાણ, પાણીની રેલમછેલ

મોરબીના સરદાર બાગમાં આવેલા પાણીની લાઈનમાં ભંગાણ થતા પાણીના ફુવારા ઉડ્યા હતા અને પાણીની લાઈનમાંથી રીતસર પાણીનો ધોધ વછૂટતા વગર ચોમાસે આખો વિસ્તાર જળમગ્ન થયો હતો. પાણીની.લાઈનમાંથી પાણીનો બેફામ બગાડ થયો હતો.અંગેની જાણ થતા પાલિકા અને પાણી પુરવઠાની ટીમે મોડી રાત્રે યુદ્ધના ધોરણે રીપેરીંગ કામગીરી હાથ ધરી હતી.

એક તરફ મોરબી શહેરના છેવાડાના વિસ્તારમાં તંત્ર પીવાનું પાણી પહોચાડી શકવા નિષ્ફળ નિવડેલ તંત્ર હવે પાણીની જાળવણી કરવામાં પણ સફળ થઈ શકયુ નથી. ઠેર ઠેર પાણીની લાઈનમા ભંગાણ થતા રહ્યા છે. ત્યારે ફરીવાર પાણીનો સંપના વાલ્વ માં કોઈ કારણોસર ભંગાણ પડતા પાણીનો ધોધ છૂટયો હતો અને સમગ્ર વિસ્તાર વગર વરસાદે જળબંબાકાર સર્જાયો હતો.પાણીનો લાઈનમાંથી સતત પાણીના મસમોટા ફુવારા ઉડી રહ્યા છે.તેથી પાણીને બેફામ બગાડ થયો હતો.