ક્રાઇમ:નાગડાવાસ નજીકથી 11 પાડા ભરેલી ગાડી પકડાઈ

મોરબી-માળીયા નેશનલ હાઇવે પર સોમવારે મોડી રાત્રે નાગડાવાસ ગામ નજીક આઈ માતા હોટલ પાસે એક બોલેરો કારમાં ખીચોખીચ પાડા ભરાઈને જતા હોવાની ગૌ રક્ષકોની ટીમને બાતમી મળી હતી. બાતમીના આધારે વોચ ગોઠવી હતી. તે સમયે બોલરો ગાડી શંકાસ્પદ હાલતમાં નીકળતા ગૌરક્ષકોએ આ બોલેરોને અટકાવીને તલાશી લીધી હતી. બોલરોમાં 11 પાડા બાંધેલી હાલતમાં જોવા મળ્યા હતા.

ગૌરક્ષકોની ટીમ બોલરો ગાડીના ચાલકને પકડે તે પહેલાં જ તે ચકમો આપીને બોલરો કાર ત્યાં જ રેઢી મૂકીને ફરાર થઈ ગયો હતો. આ અબોલ પશુઓ માટે કોઈપણ પ્રકારની વ્યવસ્થા ન હોવાથી આ પશુઓને કતલખાને ધકેલાતા હોવાની શંકાથી ગૌરક્ષકોની ટીમે ગાડી મોરબી તાલુકા પોલીસને હવાલે કરી હતી.