દુર્ઘટના:મોરબીના માળિયા હાઈવે પર જિનિંગ મિલમાં આગ ભભૂકી

મોરબી માળીયા હાઇવે સનોરા સિરામીકની નજીક આવેલી આશા ઇન્ડસ્ટ્રીઝ નામની જીનીંગમિલના ગ્રાઉન્ડમાં પડેલા કપાસના ઢગલામાં અને ફિડીંગ બોક્સમાં અચાનક આગ લાગતા બનાવ અંગે નિલેશ જેઠાભાઇ પનારા પટેલ (૩૫) રહે.રવાપર રોડ સરદાર પટેલ સોસાયટી મોરબીવાળાએ બી. ડીવી. પોલીસને જાણ કરી હતી. પોલીસ કાફલો બનાવની તપાસ માટે ઉક્ત સ્થળે ઘસી ગયો હતો. જ્યાં પ્રાથમિક તપાસમાં ઇલેક્ટ્રિક મોટરમાં કોઈ કારણોસર શોર્ટસર્કિટથી આગ લાગતાં જીનિંગ મિલના મેદાનમાં પડેલા કપાસના ઢગલામાં તેમજ ફિડીંગ બોક્સમાં આગ લાગી હોવાનું સામે આવ્યું હતું. બનાવ અંગે નોંધ કરીને બી ડિવિઝન પોલીસ મથકના હેડ.કોન્સ. ફિરોઝભાઈ સુમરાએ આગળની વધુ તપાસ હાથ ધરી છે.