હળવદમાં ફ્લેગમાર્ચ:લોકોને માસ્ક પહેરવા, ડિસ્ટન્સ જાળવવા સમજ અપાઇ

હળવદમાં દિવાળીના તહેવારોને લઇ મોટી સંખ્યામાં લોકો ખરીદી કરવા નિકળતા પોલીસે લોકોને કોરોનાથી બચવા અને ટ્રાફિક નિયમન માટે ફ્લેગમાર્ચનું આયોજન કર્યુ હતુ. જેમાં પીઆઇ પી.એ.દેકાવડીયાના માર્ગદર્શનમાં પીએસઆઇ પી.જી.પનારા, જમાદાર ભરતભાઇ આલ, ડિસ્ટાફ માણસો સહિત પોલીસ કર્મીઓ શહેરની મુખ્ય બજારોમાં પેટ્રોલીંગ કરી વાહન ચેકીંગ ટ્રાફિક નિયમન અંગે કાર્યવાહી કરી હતી. જ્યારે પસાર થતા લોકોને કોરોનાથી બચવા જરૂરી માસ્ક પહેરવા, ડિસ્ટન્સ જાળવવા અપીલ કરઇ હતી.જ્યારે વેપારીઓને ભીડ ન કરવા સુચના અપાઇ હતી.