ખેડૂતોમાં રાજીપો:હળવદ માર્કેટ યાર્ડ ખાતે નવા કપાસની હરાજી શરૂ

હળવદ યાર્ડ ખાતે નવા કપાસની હરાજી શરૂ કરવામાં આવી છે. આજે બે ખેડૂતો આ સિઝનનો નવો કપાસ લઈને વેચાણ અર્થે આવ્યા હતા અને ધાવડી કૃપા પેઢીમાં રમેશભાઈ શિવાભાઈ ગામ - કૃષ્ણનગર,કોંઢના કપાસના મુર્હુતના ભાવ પ્રતિ મણના ૬૫૧૧.૦૦ અને દેવદૂત ટ્રેડિંગ પેઢીમાં ખેડૂત રાજેશભાઇ, ગામ - વાંકીયાના કપાસના મુર્હુતના ભાવ ૬૧૦૦.૦૦ રૂપિયા હરાજીમાં બોલાયો હતો.

હરાજીમાં ખેડૂતોનો મુર્હુતનો કપાસ લેવા હરીફાઈ જામી અને છેલ્લે પંચનાથ ટ્રેડિંગના માલિક માવજીભાઈ વાઘજીભાઇ સંઘાણીએ આ બંને ખેડૂતનો કપાસ ખરીદ્યો હતો. વેપારીઓ અને ખેડૂતોમાં અનેરો ઉત્સાહ જોવા મળ્યો હતો. કાર્યક્રમને સફળ બનાવવા માટે ‌યાર્ડના સેક્રેટરી મહેશભાઈ પટેલ અને સ્ટાફે ભારે ‌જહેમત ઉઠાવી હતી.