હાલાકી:આવાસ યોજના લાભાર્થીઓ લોન સહાયથી વંચિત

મોરબી જિલ્લા બહુજન સમાજ પાર્ટીના સોશિયલ મીડિયા કન્વીનર દ્વારા આ મુદ્દે રાજ્ય મુખ્યમંત્રી, મોરબી કલેકટર, હળવદ મામલતદાર, હળવદ પ્રાંત અંધિકારી અને હળવદ ચીફ ઓફિસરને ઓફિસિયલ ઈમેઇલ મારફત રજૂઆત કરાઇ હતી. આ રજુઆતમાં જણાવાયા મુજબ દોઢ વર્ષ જેટલો સમય થઈ જવા છતાં પાલિકા દ્વારા કોઈ યોગ્ય પ્રત્યુતર મળતો નથી.

અંદાજે 20 જેટલા લાભાર્થીઓની લોન પાસ થઈ પણ સમયસર ન આવતા શિયાળાની હાડ થીજાવતી ઠંડીમાં ખુલ્લા આભ નીચે સુવાનો વારો આવ્યો છે. આથી આ મુદ્દે પાલિકા દ્વારા ઝડપથી નિકાલ આવે તેવી માંગણી હળવદ શહેરીજનો વતી બહુજન સમાજ પાર્ટી દ્વારા કરવામાં આવી ‌હતી.