ધરપકડ:અણસોલ ચેકપોસ્ટેથી દારૂ ભરેલી કાર સાથે શખ્સ ઝબ્બે

રાજસ્થાન તરફથી આવતી ગાડી નંબર GJ16એફસી 3392 ની અણસોલ ચેકપોસ્ટ પાસે ફરજ પરના ચોકીના જગદીશભાઈ તથા લોકરક્ષક રણવીરસિંહ અને વિશ્વદીપ ઉભી રાખવાનો પ્રયત્ન કરતો આ ગાડી ભગાવવાનો પ્રયાસ કરતાં તેને રોકી તલાશી લેતાં વિદેશી બનાવટનો દારૂ ડેકીમાં છુપાયેલો હતો તથા ગાડી ના દરવાજાની પાસે ચોરખાનું બનાવી તેમાં મૂક્યો હતો. પોલીસે કુલ 31 હજારનોદારૂ અને બે લાખની ગાડી સાથે ગાડીના ડ્રાઈવર ડામોર મણીલાલ ઉમર (37) ગઢોડા તા.હિંમતનગર જિ. સાબરકાંઠાની ધરપકડ કરી છે.