ફરિયાદ:મોડાસામાં પરિણીતાને દહેજના રૂ. પાંચ લાખની માગણી કરી ત્રાસ આપી કાઢી મૂકતાં 3 સામે ગુનો

મોડાસાના કોલેજ રોડ પર આવેલી હુસેની સોસાયટીમાં રહેતી મહિલાને સાસરિયાઓની ચડામણીથી પતિ દ્વારા વારંવાર દહેજ પેટે રૂ. 500000 ની માગણી કરી તેને શારીરિક માનસિક ત્રાસ આપી જાનથી મારી નાખવાની ધમકી અપાતા મહિલાએ મોડાસા મહિલા પોલીસ સ્ટેશનમાં ફરિયાદ કરતા પોલીસે પતિ સાસુ-સસરા અને જેઠાણી વિરુદ્ધ ફરિયાદ નોંધાવી છે.

મોડાસાની હુસેની સોસાયટીમાં રહેતા ઈર્શાદ હુસેન ગુલામહુસેન મલિક ની પુત્રી કનીજ ફાતિમાના લગ્ન ચાર વર્ષ અગાઉ ભેરુંડા બાયપાસ પર રહેતા મોહમ્મદ જુનેદભાઈ મલેક સાથે થયા હતા. સાસુ-સસરા અને જેઠાણી ચડામણીથી પતિ દ્વારા મહિલા અને અવારનવાર શારિરીક માનસિક ત્રાસ આપી ગડદાપાટુનો માર મારી અને સાસરિયાઓ મહિલાને વારંવાર કહેતા હતા કે કરિયાવરમાં તારા બાપના ઘરેથી કંઇ પણ લાવી નથી તેથી પાંચ લાખ રૂપિયા દહેજના વારંવાર માંગણી કરી મહિલાને હેરાન પરેશાન કરતા તેમજ પતિ તારા કહેતો હતો કે તું મને ગમતી નથી મારે બીજા લગ્ન કરવા છે તું તારા બાપના ઘરે ચાલી જા નહિતર જાનથી મારી નાખીશું અમારા હાથ બહુ લાંબા છે.

સામાજિક સમજાવટ બાદ મહિલાને પરત સાસરીમાં મોકલવામાં આવી હતી ત્યારબાદ મહિલાને લગ્નમાં મળેલ ભેટ સોગાદો તેમજ રોકડ રકમ 10,000 તેમજ દાગીના પડાવી લઇને આ મહિલા સગર્ભા હોવા છતાં તેને મારતાં ગર્ભપાત થઈ ગયા હોવાનો ફરિયાદમાં ઉલ્લેખ કરેલ છે. મહિલાએ મોહંમદ ઝુનેદ ભાઈ મલેક પતિ તેમજ મહંમદ રફીક ગુલામ હુસેન મલેક સસરા અને વહીદા બાનું મોહમ્મદ રફીક રહે ભેરુંડા રોડ બાયપાસ તેમજ તવીરબાનુ મોહમ્મદ રિઝવાન મલેક રહે. ખાડિયા ફળી ભાવસાર વાળા મોડાસા વિરુદ્ધ ગુનો નોંધાવ્યો હતો.