વિરોધ:મોડાસાના પાવન સીટીમાં 10 દિવસથી સફાઈ નહીં કરાતાં ગૃહિણીઓએ સફાઈ અભિયાન હાથ ધર્યું

મોડાસાના પાવન સીટીમાં 10 દિવસથી સફાઈ કામગીરી કરવામાં ન આવતા ત્રાસી ગયેલી ગૃહિણીઓએ જાતે જ સફાઈ અભિયાન હાથ ધરીને જવાબદારો સામે વિરોધ વ્યક્ત કર્યો હતો. મોડાસાના મેઘરજ રોડ ઉપર આવેલી પાવનસિટીમાં છેલ્લા દસ દિવસના સમયથી સફાઈ કામગીરી હાથ ધરવામાં આવતા સ્થાનિક ગૃહિણીઓએ હાથમાં ઝાડુ લઈને જાતે જ સફાઈ અભિયાન હાથ ધરીને જવાબદારો સામે વિરોધ વ્યક્ત કર્યો હતો.

પાવન સીટીના ભોય તળિયાના ભાગે પાણીની રેલમછેલ સાથે ગંદકી તથા સ્થાનિક લોકોમાં રોષ જોવા મળ્યો હતો. પાવન સીટીમાં અગાઉ પણ લિફ્ટના પ્રશ્ને રહીશો અકળાઈ ઉઠ્યા હતા. મહિલાઓનું કહેવું છે કે છેલ્લા 10 દિવસથી સમયથી પાવન સીટીના ભોય તળિયાના ભાગે તેમજ કોમલ વપરાશના ભાગમાં સફાઈ કરવામાં ન આવતા ગંદકી શરૂ થતા ગૃહિણીઓએ દ્વારા અનોખો વિરોધ પ્રદર્શન કર્યું હતું.