હુમલો:ભિલોડાના મોધરી ગામે રાત્રે દીપડાએ બકરાંનું મારણ કર્યું, દીપડાના આંટાફેરાથી ગામલોકોમાં ફફડાટ

ભિલોડા તાલુકામાં સપ્તાહ અગાઉ દીપડો દેખાયા બાદ ગતરાત્રે જંગલ વિસ્તાર નજીક આવેલા મોધરીમાં દીપડએ બકરાનું મારણ કરતાં ગ્રામજનોમાં ભયનો માહોલ છવાયો છે.

ગત મોડીરાત્રે મોધરી વિસ્તારમાં ત્રાટકેલા દીપડાએ બકરાનું મારણ કર્યું હતું. આ અંગેની જાણ ગામમાં થતો મોડી રાતે ગ્રામજનો એકઠા થયા હતા અને તપાસ કરતો દીપડાના પંજાના નિશાન મળી આવ્યા હતા. રાત્રે જ ગ્રામજનોએ વન વિભાગને જાણ કરતાં વન વિભાગની ટીમોએ ઘટનાસ્થળની મુલાકાત લઇ તપાસ હાથ ધરી છે. દીપડો કઈ બાજુ ગયો તેની તપાસ હાથ ધરી છે. પરંતુ આ વિસ્તારમાં ભયનો માહોલ પેદા થયો છે.