રાહત:અરવલ્લી જિલ્લો કોરોનામુક્ત હાલમાં એકેય એક્ટીવ કેસ નહીં, જિલ્લામાં પોઝિટિવના કુલ 856 કેસ નોંધાયા

અરવલ્લી જિલ્લામાં છેલ્લા એક સપ્તાહથી કોરોનાના દર્દીઓ ન નોંધાતા આરોગ્ય વિભાગમાં રાહત થઇ છે. મોડાસાની સાર્વજનિક અને વાત્રકની જનરલ હોસ્પિટલ અને હિંમતનગર સિવિલમાં જિલ્લાનો અત્યારે કોરોનાનો એક પણ દર્દી સારવાર હેઠળ ન હોવાનું નોંધાયું છે. ત્યારે મોડાસાની સાર્વજનિક હોસ્પિટલમાં સારવાર લઈ રહેલા કોરોના પોઝિટિવના ત્રણ પુરુષ અને ત્રણ મહિલાઓની સારવાર પૂર્ણ થતાં થતાં ડિસ્ચાર્જ કરાયા છે.

જિલ્લામાં કોરોના પોઝિટિવ ના અત્યાર સુધીમાં 856 કેસ નોંધાયા છેજિલ્લામાં સપ્તાહમાં 355 મકાનોનું સર્વે હાથ ધરી પોઝિટિવના સંપર્કમાં આવેલા 21 લોકોને આરોગ્ય વિભાગ દ્વારા હોમક્વોરન્ટાઇન કરાયા છે. જિલ્લામાં કોરોના પોઝિટિવ દર્દીઓની સારવાર દરમિયાન 763 લોકોની આજ દિન સુધીમાં સારવાર પૂર્ણ થઇ છે.